Tennısten Qazaqstan jasóspirimder quramasy Úndistanmen oınaıdy
NUR-SULTAN. QazAqparat - Úndistannyń Nıý-Delı qalasynda 14 jasqa deıingiler arasynda komandalyq álem chempıonaty Azııa/Tynyq muhıt aımaǵy irikteý týrnıriniń toptyq básekeleri aıaqtaldy, dep habarlaıdy QazAqparat tilshisi.
Qazaqstan tennıs federatsııasy málim etkenindeı, búgin qazaqstandyq qyzdar D tobynda Ózbekstan quramasyn 2:0 esebimen tize búktirdi.
Osylaısha óz tobyndaǵy qarsylastarynyń bárin jeńgen Qazaqstan jasóspirimder quramasy shırek fınalǵa birinshi orynmen joldama aldy.
Qazaqstandyqtar erteń jartylaı fınalǵa shyǵý úshin Úndistan quramasymen talasady. Kort ıelerimen ótetin matchtyń ońaıǵa soqpaıtyny anyq.
Eske sala keteıik, budan buryn ıÝlııa Pýtıntsevanyń Ystanbul týrnıriniń ekinshi aınalymyna shyqqanyn jazǵan bolatynbyz.
