Tennısten Qazaqstan jasóspirimder quramasy Ońtústik Koreıamen oınaıdy
NUR-SULTAN. QazAqparat – Nıý-Delıde jasóspirimder arasynda komandalyq álem chempıonaty irikteý saıystarynyń toptyq kezeńi márege jetti, dep habarlaıdy QazAqparat tilshisi.
Qazaqstan tennıs federatsııasy málim etkenindeı, elimizdiń jas tennısshileri D tobynda sońǵy matchyn Taıland quramasymen ótkizip, 2:1 esebimen jeńiske jetti.
Osylaısha, Qazaqstan jasóspirimder quramasy óz tobynan 1-orynmen shırek fınalǵa joldama aldy. Erteń qazaqstandyqtar jartylaı fınalǵa shyǵý úshin Ońtústik Koreıamen talasady.
Jasóspirimder arasynda Devıs kýbogynyń (álem chempıonaty) fınaldyq kezeńine tek úsh komanda ǵana joldama alady. Sondyqtan, alǵa qoıǵan maqsatqa jaqyndaı túsý úshin erteń tek jeńis kerek. Budan buryn qazaqstandyqtar óz tobynda Vetnam men Shrı-Lankadan aılasyn asyrǵan bolatyn.
Eske sala keteıik, budan buryn qazaqstandyq jas tennısshilerdiń álem chempıonaty irikteý kezeńiniń shırek fınalyna shyqqanyn jazǵan edik.
Al, Germanııa quramasynyń kapıtany Rybakına men Kerberdiń oıyny qyzyqty bolatynyn aıtqan edi.
