Tennısten Qazaqstan jasóspirimder quramasy Indonezııany oısyrata utty
NUR-SULTAN. QazAqparat – Úndistannyń Nıý-Delı qalasynda 14 jasqa deıingiler arasynda álem chempıonaty Azııa/Tynyq muhıt aımaǵynyń toptyq irikteý saıystary bastaldy, dep habarlaıdy QazAqparat tilshisi.
Qazaqstan tennıs federatsııasy málim etkenindeı, elimizdiń jasóspirimder quramasy D tobynda Indonezııany 3:0 esebimen oısyrata utty.
Damır Jalǵasbaı Alı Kosta Rafalentınony 6:4, 6:2 esebimen tize búktirdi.
Qazaqstannyń 14 jasqa deıingiler arasynda birinshi raketkasy, Eýropa tennısi chempıondyq kestesinde kósh bastap kele jatqan Zańǵar Nurlanuly Vıshna Rangeden 6:3, 6:3 esebimen basym tústi.
Juptyq synda D.Jalǵasbaı Danıel Tazabekovpen birge qarsylastarynan aılasyn asyra bildi – 6:2, 6:3.
Erteń qazaqstandyq jasóspirimder Shrı-Lanka quramasymen oınaıdy.
Eske sala keteıik, budan buryn tennısten Qazaqstan jasóspirimder quramasynyń qarsylastary anyqtalǵanyn, Elena Rybakınanyń álemdik reıtıngide 18-orynǵa kóterilgenin jazǵan bolatynbyz.
