Tennısten Qazaqstan jasóspirimder quramasy Gonkongpen oınaıdy
NUR-SULTAN. QazAqparat - Úndistannyń Nıý-Delı qalasynda 14 jasqa deıingiler arasynda álem chempıonaty Azııa/Tynyq muhıt aımaǵy irikteý týrnıriniń shırek fınalynda Qazaqstan quramasynyń qarsylasy anyqtaldy, dep habarlaıdy QazAqparat tilshisi.
Qazaqstan tennıs federatsııasy málim etkendeı, búgin qazaqstandyq jasóspirimder D tobynda Pákstan quramasyn 2:0 esebimen utty.
Osylaısha, óz tobynda úsh komandany da jeńgen Qazaqstan quramasy shırek fınalǵa birinshi orynmen joldama aldy.
Erteń qazaqstandyq jasóspirimder jartylaı fınalǵa shyǵý úshin Gonkong komandasymen talasady.
Eske sala keteıik, budan buryn Qazaqstan jasóspirimder quramasynyń ÁCh irikteý kezeńiniń shırek fınalyna shyqqanyn jazǵan bolatynbyz.
Sondaı-aq qazaqstandyq tennısshi Chehııadaǵy týrnırdi jeńispen bastady.
