Tennısten Qazaqstan jasóspirimder quramasy álem chempıonatynyń joldamasy úshin talasady
NUR-SULTAN. QazAqparat – Úndistannyń Nıý-Delı qalasynda ótip jatqan Juniors Davis Cup kýbogynyń (komandalyq álem chempıonaty) irikteý saıysynda Qazaqstan jasóspirimder quramasy úshinshi orynǵa Aýstralııa komandasymen talasady, dep habarlaıdy QazAqparat tilshisi.
Qazaqstan tennıs federatsııasy málim etkenindeı, qazaqstandyq jasóspirimder jartylaı fınalda kort ıeleri – Úndistan quramasyna jol berdi.
Esep 2:0 bolyp, úndistandyqtardyń paıdasyna sheshildi.
Eger qazaqstandyqtar Aýstralııany jeńse, onda úzdik úsh komandanyń biri retinde alǵash ret álem chempıonatynyń fınaldyq kezeńine joldama alady.
Budan buryn osy qalada Bıllı Djın Kıng kýbogynyń irikteý saıystarynda qazaqstandyq jasóspirim qyzdar quramasy shırek fınalda aýstralııalyqtarǵa ese jiberip, jarys qorytyndysynda besinshi orynǵa taban tiregen edi.
Eske sala keteıik, budan buryn Qazaqstan – Germanııa matchy bastalatynyn, ıÝlııa Pýtıntsevanyń Qazaqstandy alǵa shyǵarǵanyn jazǵan bolatynbyz.
Sondaı-aq Elena Rybakına Qazaqstan – Germanııa matchynda esepti 2:0-ge jetkizdi.
ıÝlııa Pýtıntseva Bıllı Djın Kıng kýbogynda Qazaqstan rekordyna qol jetkizdi.
