Tennısten Qazaqstan jasóspirimder quramasy ÁCh irikteý týrnırinde úshinshi orynǵa talasady
NUR-SULTAN. QazAqparat – Úndistannyń Nıý-Delı qalasynda 14 jasqa deıingiler arasynda Qazaqstan jasóspirimder quramasy álem chempıonaty Azııa/Tynyq muhıt aımaǵy irikteý kezeńiniń fınalyna shyǵa almady, dep habarlaıdy QazAqparat tilshisi.
Qazaqstan tennıs federatsııasy málim etkendeı, qazaqstandyq jasóspirimder jartylaı fınalda Ońtústik Koreıa komandasymen synǵa tústi.
Ońtústikkoreıalyqtar – 2011 jáne 2015 jyldary álem chempıony atanǵan myqty qurama.
Birinshi kezdesýde Damır Jalǵasbaı qarsylasyn 6:3, 6:2 esebimen jeńdi. Alaıda osy qarqyndy Zańǵar Nurlanuly jalǵastyra almaı, 1:6, 0:6 esebimen jeńilip qaldy.
Sheshýshi juptyq básekede ońtústikkoreıalyqtar jeńisti julyp aldy – 6:4, 6:2.
Osylaısha, Qazaqstan jasóspirimder quramasy erteń irikteý týrnıriniń úshinshi orny úshin talasady. Qarsylas keıin anyqtalady.
Qazaqstandyqtar erteńgi matchta jeńiske jetse, 14 jasqa deıingiler arasynda alǵash ret álem chempıonatynyń fınaldyq kezeńine joldama alady.
Eske sala keteıik, budan buryn Qazaqstan jasóspirimder quramasynyń ÁCh irikteý kezeńiniń jartylaı fınalyna shyqqanyn, ıÝlııa Pýtıntsevanyń Madrıd týrnıriniń ekinshi aınalymyna ótkenin jazǵan bolatynbyz.
