Tennısten Qazaqstan men Germanııanyń birinshi raketkalary alǵash ret ózara kezdesedi
NUR-SULTAN. QazAqparat – Búgin elordadaǵy Ulttyq tennıs ortalyǵynda Bıllı Djın Kıng kýbogy aıasynda Qazaqstan – Germanııa matchy jalǵasady, dep habarlaıdy QazAqparat tilshisi.
Áýeli kortqa Qazaqstan men Germanııanyń birinshi raketkalary Elena Rybakına men Anjelıka Kerber shyǵady. Bul olardyń ózara alǵashqy kezdesýi bolmaq.
«Úlken dýlyǵa» týrnırin (2016 jyly Aýstralııa men AQSh ashyq chempıonattary, 2018 jyly Ýımbldon dodasyn) utyp, dúnıejúzilik reıtıngte kósh bastaǵan, qazir 17-satyda turǵan A.Kerber 34 jasta bolsa, Qazaqstannyń birinshi, álemniń 19-raketkasy E.Rybakına bıyl 23-ke tolady.
Keshe Qazaqstannyń óz alańynda tyrnaqaldy oıynyn ótkizgen Elena Rybakına A.Kerbermen básekege de tyńǵylyqty daıyndalatynyn jetkizdi.
Eki eldiń birinshi raketkalarynan keıin ıÝlııa Pýtıntseva men Laýra Zıgemýnd ózara synǵa túsedi. Bular osyǵan deıin eki márte oınap, bir-birden jeńiske jetken.
Sondaı-aq búgin qajet bolsa, juptyq synda Elena Rybakına/Anna Danılına jáne Anna-Lena Frıdzam/ıÝle Nımaıerdiń kezdesýi josparlanǵan.
Alǵashqy kúnnen keıin Qazaqstan 2:0 esebimen alda keledi. Úsh jeńiske qol jetkizgen komanda Bıllı Djın Kıng kýbogynyń fınaldyq kezeńine joldama alady.
Match elorda ýaqytymen saǵat 14.00-de bastalyp, Qazsport telearnasynan tikeleı efırde kórsetiledi.
Eske sala keteıik, budan buryn ıÝlııa Pýtıntsevanyń Bıllı Djın Kıng kýbogynda Qazaqstan rekordyna qol jetkizgenin jazǵan bolatynbyz.
Qazaqstan jasóspirimder quramasy álem chempıonatynyń joldamasyna talasady.
