Tennısten Qazaqstan quramasy alǵash ret ótetin United Cup týrnırinde baq synaıdy
ASTANA. QazAqparat – 29 jeltoqsan – 8 qańtar aralyǵynda Aýstralııanyń Brısben, Pert jáne Sıdneı qalalarynda alǵash ret United Cup komandalyq týrnıri ótedi, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, Hopman kýbogi jáne ATP Cup jarysynyń ornyn basatyn atalmysh dodaǵa qatysýshylar ATP jáne WTA reıtıngisinde 500 upaıǵa deıin ıe bolyp, sondaı-aq tabys qoryn tolyqtyra alady.
Qazaqstan namysyn ıÝlııa Pýtıntseva (№51), Jibek Qulambaeva (juptyq synda №202), Gózal Aınıtdınova (juptyq synda №392), Aleksandr Býblık (№37), Tımofeı Skatov (№142), Denıs Evseev (№292) jáne Grıgorıı Lomakın (juptyq synda №205) qorǵaıdy.
V tobynda qazaqstandyqtar Polsha jáne Shveıtsarııa quramalarymen synǵa túsedi. Bul toptaǵy básekelerdiń bári Brısbende ótedi.
Bir qyzyǵy, Qazaqstan áıelder quramasy Polsha tennısshilerimen Bıllı Djın Kıng kýboginiń irikteý satysynda aldaǵy jyldyń sáýirinde Astanada da oınaıdy.
Polsha quramy: Iga Sventek (№1), Hýbert Hýrkach (№10), Magda Lınett (№48), Kasper Jýk (№245), Danıel Mıhalskıı (№260), Alıtsııa Rosolskaıa (juptyq synda №32), Lýkash Kýbot (№245).
Shveıtsarııa: Belında Benchıch (№12), Sten Vavrınka (№148), Jıl Taıhman (№35), Mark-Andrea Hıýsler (№56), Ilena In-Albon (juptyq synda №124), Domınık Stefan Shtrıker (№118), Djoan Tsýger (№188), Aleksander Rıchard (№169).
29 jeltoqsan kúni qazaqstandyqtardan alǵashqy bolyp ıÝlııa Pýtıntseva, ile-shala Tımofeı Skatov shyǵady. ıÝ.Pýtıntseva shveıtsarııalyq Belında Benchıchpen sheberlik baıqasady. Onymen bes ret kezdesip, úsheýinde jeńgen edi. T.Skatovtyń qarsylasy – Mark-Andrea Hıýsler.
Eske sala keteıik, budan buryn álemdik reıtıngte Elena Rybakınanyń jyldy 21-orynmen aıaqtaǵanyn jazǵan bolatynbyz.
Foto – Qazaqstan tennıs federatsııasy.
