09:19, 10 Sáýir 2025 | GMT +5
Qazaqstan quramasy tennısten Bıllı Djın Kıng týrnırindegi alǵashqy matchta jeńiske jetti
ASTANA. KAZINFORM — Aýstralııanyń Brısben qalasynda Bıllı Djın Kıng kýbogynyń irikteý týrnıri ótip jatyr.
D tobynda Qazaqstan men Aýstralııa komandalary arasynda matchta alǵashqy bolyp kortqa ıÝlııa Pýtıntseva men Maııa Djoınt shyqty.
Qazaqstandyq tennısshi álemniń 23-raketkasy bolsa, 18 jastaǵy qarsylasy 78-satyda edi.
ıÝ.Pýtıntseva M.Djoıntty 6:2, 6:1 esebimen oısyrata utty.
Bir saǵat 15 mınýtqa sozylǵan báseke barysynda Pýtıntseva 9 breık-poınttyń tórteýin paıdalandy. M.Djoınt 1 eıspen ǵana shekteldi.
Endi kelesi matchta Elena Rybakına Kımberlı Bırrellmen oınaıdy.
Eske sala keteıik, budan buryn Elena Rybakınanyń aldaǵy jarysta qazaqstandyqtardyń qoldaýy óte mańyzdy ekendigi týraly aıtqanyn jazǵan bolatynbyz.