Tennısten Qazaqstan quramasy álem chempıonatynyń shırek fınalynda AQSh-pen oınaıdy

ASTANA. KAZINFORM — Qytaıdyń Shenchjen qalasynda 16-21 qyrkúıekte ótetin Bıllı Djın Kıng kýbogy (komandalyq álem chempıonaty) fınaldyq kezeńiniń jerebesi tartyldy.

Qazaqstan tennıs federatsııasynan málim etkenindeı, qazaqstandyq qyzdar shırek fınalda álemniń 18 dúrkin chempıony Amerıka Qurama Shtattarynyń quramasymen oınaıdy.

Jup jeńimpazy jartylaı fınalda Japonııa ne Ulybrıtanııa quramasynyń qaı jeńgenimen kezdesedi.

Sondaı-aq shırek fınalda Ýkraına Ispanııamen, ótken jylǵy álem chempıony Italııa Qytaımen sheberlik talastyrady.

Eske sala keteıik, budan buryn Qazaqstan áıelder quramasy alǵash ret álemdik reıtıngide 6-orynǵa kóterilgenin jazǵan bolatynbyz.