Tennısten Qazaqstan - Germanııa matchynyń jerebesi tartyldy
NUR-SULTAN. QazAqparat – Búgin elordada Bıllı Djın Kıng kýbogy aıasynda 15-16 sáýirde ótetin Qazaqstan - Germanııa irikteý matchynyń jerebesi tartyldy, dep habarlaıdy QazAqparat tilshisi.
Qazaqstan tennıs federatsııasy málim etkenindeı, dodany ıÝlııa Pýtıntseva men álemniń burynǵy birinshi raketkasy, «Úlken dýlyǵa» týrnıriniń úsh dúrkin chempıony Anjelıka Kerber bastaıdy.
Bul jup Ulttyq tennıs ortalyǵynyń ortalyq kortyna juma kúni elorda ýaqytymen saǵat 13:00-de shyǵady.
Osy kezdesý bitkennen keıin Qazaqstannyń birinshi raketkasy Elena Rybakına men Laýra Zıgemýndqa kezek keledi.
Senbi kúni match saǵat 14:00-de jalǵasady. 16 sáýirde Anjelıka Kerber – Elena Rybakına, ıÝlııa Pýtıntseva – Laýra Zıgemýnd jáne juptyq synda Anna Danılına/Elena Rybakına – Anna-Lena Frıdzam/ıÝle Nımaıer kezdesedi dep josparlanyp otyr.
Úsh jeńiske jetken komanda Bıllı Djın Kıng kýbogynyń fınaldyq kezeńine joldama alady.
Eske sala keteıik, budan buryn Germanııa birinshi raketkasy Qazaqstanmen matchtyń qıynǵa túsetini týraly aıtqanyn, Aleksandr Býblıktiń Monte-Karlo masters týrnıriniń úshinshi aınalymyna shyǵa almaǵanyn jazǵan bolatynbyz.
