Tennısten Qazaqstan chempıonatynda shırek fınalǵa shyqqan oıynshylar anyqtaldy
ASTANA. KAZINFORM — Astana qalasyndaǵy Beeline Arena tennıs ortalyǵynda eresekter arasynda Qazaqstan chempıonaty ótip jatyr.

Búgin alǵashqy bolyp Qaraǵandy oblysynyń ókilderi, ótken jylǵy el chempıony Grıgorıı Lomakın men 15 jastaǵy Rodıon Traıgel ózara synǵa tústi.
Jas tennısshi birinshi sette 2:5 esebimen utylyp jatyp, tarazy basyn teńestirip qana qoımaı, taı-breıkte sátti oınady — 7:6 (7:3). Degenmen sodan keıin tájirıbeli Lomakın kambek jasaı aldy — 6:2, 6:0.
G.Lomakın shırek fınalda Artem Sıdorovpen oınaıdy.
Taǵy bir qaraǵandylyq, ATP reıtıngisinde 911-orynda turǵan Ámir Omarhanov Danıel ıÝreklıdi nebári 47 mınýtta utty — 6:0, 6:1. Ámirdiń ¼ fınaldaǵy qarsylasy — Tımýr Saýlenko.
Aleksandr Shevchenkonyń burynǵy bapkeri Tımýr Máýlenov tartysty matchta Taıyr Sarmanovtan aılasyn asyrdy — 6:2, 7:6 (9:7). Ol shırek fınalda Damır Dúısenǵazınmen sheberlik baıqasady.
Sondaı-aq Vıtalıı Zatsepın men Arystanbek Qaparov taǵy bir jartylaı fınal joldamasyn sarapqa salady.
Áıelder arasynda álemniń 300-raketkasy Jibek Qulambaeva Erkejan Arystanbekovaǵa esh múmkindik qaldyrǵan joq — 6:0, 6:0. Jibek jartylaı fınalǵa shyǵý úshin Anastasııa Krymkovamen talasady.
Shırek fınalda sonymen qatar Arýjan Saǵyndyqova Asyljan Arystanbekovamen, Іńkár Dúısebaı Albına Kákenovamen, Sandýǵash Kenjebaeva Polına Sleptsovamen kezdesedi.
Eske sala keteıik, budan buryn Vashıngton týrnırinde Rybakınanyń juptyq synda sensatsııa jasap, shırek fınalǵa shyqqanyn jazǵan edik.