Tennısten Qazaqstan áıelder quramasy álemdik reıtıngide úzdik ondyqqa endi

Qazaqstan tennıs federatsııasynan málim etkenindeı, Bıllı Djın Kıng kýbogynyń jańartylǵan reıtıngisinde el quramasy 16-dan birden 9-orynǵa kóterildi.

Qazaqstan ulttyq quramasy Reseı, Germanııa, Italııa, Rýmynııa, Belgııa, Polsha sekildi komandalardy artqa qaldyrdy.

Qazaqstandyq qyzdar bıylǵy sáýirde elordada Germanııa tennısshilerin 3:1 esebimen tize búktirip, komandalyq álem chempıonatynyń fınaldyq kezeńine joldama alǵan bolatyn.

Álemdik reıtıngide alǵashqy on komanda bylaısha ornalasty:

1.Aýstralııa - 1002,71 upaı;

2,Frantsııa - 885,6;

3.Ispanııa - 884,62;

4.Chehııa - 842,92;

5.Shveıtsarııa - 881,81;

6.Kanada - 780,09;

7.AQSh - 758,09;

8.Slovakııa - 744,23;

9.Qazaqstan - 704,75;

10.Germanııa - 702,52.

Eske sala keteıik, budan buryn tennısshi Jibek Qulambaevanyń Italııadaǵy týrnırdiń shırek fınalyna shyqqanyn jazǵan bolatynbyz.