Tennısten Qazaqstan áıelder quramasynyń ÁCh-daǵy qarsylastary belgili boldy
ASTANA. KAZINFORM – Komandalyq álem chempıonaty sanalatyn Bıllı Djın Kıng kýbogy irikteý kezeńiniń jerebesi tartyldy.
Qazaqstan áıelder quramasy komandalyq álem chempıonatynyń irikteý saıysynda D tobynda Aýstralııa jáne Kolýmbııamen oınaıdy. Bul toptyń matchtary 2025 jylǵy sáýir aıynyń ekinshi aptasynda ótedi.
Bıyl Bıllı Djın Kıng kýbogynyń fınaldyq kezeńine 12 emes, 8 komanda qatysady. Alty toptyń jeńimpazdaryna týrnır qojaıyny Qytaı men 2024 jylǵy álem chempıony Italııa qosylady.
Ár topta ekinshi jáne úshinshi oryn alǵan komandalar pleı-off kezeńinde aımaqtyq toptyq týrnırlerdiń úzdikterimen synǵa túsedi. Pleı-off kezeńinde toptarda úsh komandadan oınap, jeńimpazdary 2026 jyldyń irikteý satysyna joldama alady. Al 2026 jyldan bastap irikteý jarystary men pleı-off óz alańynda jáne syrtta ótetin dástúrli matchtarǵa qaıta oralady.
Eske sala keteıik, budan buryn Portýgalııadaǵy jarysta Popkony jeńgen Juqaevtyń shırek fınalǵa ótkenin jazǵan edik.