Tennısten elordadaǵy halyqaralyq jarys: Іrikteý saıysyna 6 qazaqstandyq qatysady
NUR-SULTAN. QazAqparat – Elordada 21-27 aqpanda ótetin Forte 60 Women's ITF týrnıriniń irikteý saıysynda 6 qazaqstandyq tennısshi baq synaıdy, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, jyl basynan beri elimizde ótkeli otyrǵan alǵashqy iri jarystyń irikteý básekelerinde otandastarymyzdyń qarsylastary belgili boldy.
Júlde qory 60 myń AQSh dollaryna baǵalanǵan týrnırdi uıymdastyrýshylar jas qazaqstandyq tennısshilerge arnaıy shaqyrtý jibergen bolatyn.
Osylaısha Aııa Nupbaı alǵashqy kezdesýinde irikteý saıystarynyń 1-raketkasy, reseılik Ekaterına Makarovamen oınaıdy.
Asyljan Arystanbekova túrkııalyq Berfý Chıngızge qarsy turmaq.
Sandýǵash Kenjebaeva ýkraınalyq Anna Poznıhırenkodan, Adel Ismaǵulova estonııalyq Elena Malygınadan ótýge tyrysady.
Sofıa Chýrsına ýkraınalyq Valerııa Strahova, Marııa Sınıtsyna reseılik Polına Kýdermetovamen sheberlik baıqasady. Polına – álemniń 31-raketkasy Veronıka Kýdermetovanyń týǵan sińlisi.
Matchtar 21 aqpan kúni saǵat 10.00-de Ulttyq tennıs ortalyǵynda bastalady.
Eske sala keteıik, budan buryn Devıs kýbogy irikteý kezeńine qatysatyn Qazaqstan jasóspirimder quramasy anyqtalǵanyn jazǵan bolatynbyz.
