Tennısten elorda týrnıri: Jibek Qulambaeva juptyq synda shırek fınalǵa shyqty
NUR-SULTAN. QazAqparat - Qazaqstandyq Jibek Qulambaeva juptyq synda elordada ótip jatqan Forte 60 Women's ITF týrnıriniń shırek fınalyna shyqty, dep habarlaıdy QazAqparat tilshisi.
Qazaqstan tennıs federatsııasy málim etkendeı, J.Qulambaeva Polsha ókili Martına Kýbkamen birge bastapqy kezdesýin qazaqstandyq Sofıa Chýrsına - gonkongtyq Ng Kvan ıÝmen ótkizdi.
Tartysty órbigen birinshi partııany Qulambaeva men Kýbka 7:5 esebimen aıaqtady. Olar ekinshi sette de oıyn tizginin ýysynan shyǵarǵan joq - 6:2.
Qazaqstandyq-polshalyq jup jartylaı fınalǵa shyǵý úshin ózbekstandyqtar Nıgına Abýraımova - Aqgúl Amanmuradovamen talasady.
Júlde qory 60 myń AQSh dollaryna baǵalanǵan jarys 27 aqpanda márege jetedi.
Eske sala keteıik, budan buryn Anna Danılınanyń juptyq synda Doha týrnırin jeńispen bastaǵanyn, elorda týrnırinde qazaqstandyq tennısshilerdiń qarsylastary anyqtalǵanyn jazǵan bolatynbyz.
