Tennısten Dohadaǵy týrnırde Rybakına men Pýtıntseva óner kórsetedi

ASTANA. KAZINFORM – Qazaqstandyqtar Elena Rybakına men ıÝlııa Pýtıntseva 9-15 aqpan aralyǵynda ótetin Doha (Qatar) WTA 1000 týrnırinde óner kórsetedi.

Jarystyń 5-raketkasy bolyp tirkelgen E.Rybakına dodany ekinshi aınalymnan bastaıdy. 

Qazaqstandyq tennısshi álemniń 46-raketkasy, amerıkalyq Pıton Stırns nemese reıtıngide 50-satydaǵy ýkraınalyq Daıana ıAstremskaıanyń qaı jeńgenimen kezdesedi. 

E.Rybakına bıylǵy Aýstralııa ashyq chempıonatynda D.ıAstremskaıany 6:3, 6:4 esebimen utqan bolatyn.

Qazaqstannyń ekinshi, álemniń 21-raketkasy ıÝlııa Pýtıntseva alǵashqy aınalymda reıtıngide 62-satydaǵy japonııalyq Moıýka Ýchıjımadan ótýge tyrysyp kóredi.

Bıylǵy alǵashqy WTA 1000 jarysynyń júlde qory 3 mln 664,963 myń AQSh dollaryna baǵalanyp otyr. Oǵan álemniń mańdaıaldy tennısshileriniń bári qatysady. 

Ótken jyly Dohada E.Rybakına fınalǵa deıin jetip, onda Polsha ókili Iga Shventekke 6:7 (8:10), 2:6 esebimen jeńilip qalǵan bolatyn. 

Osy aptada Ábý-Dabıde chempıondyq ataǵy men reıtıngilik upaıyn qorǵaı almaı, WTA Live reıtıngisinde 7-orynǵa syrǵyǵan E.Rybakına úshin taǵy bir syn saǵaty týyp tur. Eger Dohada fınalǵa deıin jetpese, reıtıngide odan saıyn tómendeýi yqtımal. 

Al ótken jyly Doha dodasyna qatyspaǵan ıÝ.Pýtıntseva bıyl sátti óner kórsetse, reıtıngide joǵarylaıdy. 

Eske sala keteıik, budan buryn Albına Kákenovanyń Qaraǵandy týrnıriniń absolıýtti chempıony atanǵanyn jazǵan edik.

Ábý-Dabıde Rybakınany joldan taıdyrǵan tennısshi chempıon boldy.

Dmıtrıı Popko AQSh-taǵy jarysty sátti bastady.