Tennısten Devıs kýbogy: Norvegııa Qazaqstanmen matchta alǵa shyqty
NUR-SULTAN. QazAqparat – Osloda Devıs kýbogy irikteý kezeńi aıasynda bastalǵan Norvegııa – Qazaqstan matchynda alǵashqy bolyp Kasper Rýýd pen Mıhaıl Kýkýshkın sheberlik baıqasty, dep habarlaıdy QazAqparat tilshisi.
K.Rýýd Norvegııanyń birinshi, álemniń 8-raketkasy bolsa, M.Kýkýshkın dúnıejúzilik reıtıngte 160-satyda tur.
Birinshi partııa barysynda eki ret breık jasaǵan norvegııalyq tennısshi aıqyn basymdylyq tanytty – 6:1.
Tartystylaý órbigen ekinshi sette esep 3:3 bolǵan mezette Rýýd breık jasap ketti. Aqyry matchqa dop bergende, óz múmkindigin paıdalana bildi – 6:4.
Osylaısha K.Rýýd Norvegııa quramasyn alǵa shyǵardy. Esep – 1:0.
Endi Qazaqstannyń birinshi raketkasy Aleksandr Býblık pen Vıktor Dýrasovıch kúsh synasady.
5 naýryz kúni aldymen Aleksandr Nedovesov pen Andreı Golýbev juptyq synda Kasper Rýýd – Vıktor Dýrasovıchpen kortqa shyǵady. Sosyn Býblık pen Rýýd, Kýkýshkın men Dýrasovıch oıyndary josparlanǵan. Degenmen match barysynda ózgerister bolýy da yqtımal.
Eske sala keteıik, budan buryn Qazaqstan – Norvegııa matchynyń jerebesi tartylǵanyn jazǵan bolatynbyz.
