Tennısten Devıs kýbogy: Qazaqstanmen matchta AQSh quramasy alǵa shyqty

NUR-SULTAN. QazAqparat - Shotlandııanyń Glazgo qalasynda ótip jatqan Devıs kýbogynyń toptyq básekesinde Qazaqstan AQSh quramasymen kezdesýde, dep habarlaıdy QazAqparat tilshisi.

Kortqa birinshi bolyp álemniń 29-raketkasy Tommı Pol men dúnıejúzilik reıtıngte 221-orynda turǵan Mıhaıl Kýkýshkın shyqty.

Amerıkalyq tennısshi 6:1, 6:4 esebimen jeńiske jetti.

Bir saǵat 27 mınýtqa sozylǵan báseke barysynda T.Pol 6 eıs jasap, 7 breık-poınttyń tórteýin paıdalana bildi. M.Kýkýshkın 1 eıs, 1 breıkpen shekteldi.

Osylaısha, AQSh quramasy 1:0 esebimen alǵa shyqty.

Eske sala keteıik, budan buryn tennısten Devıs kýbogynda Qazaqstan quramasynyń ekinshi matchyn ótkizetinin jazǵan bolatynbyz.