Tennısten Devıs kýbogy: Qazaqstan úshinshi sebetke tústi
NUR-SULTAN. QazAqparat – Halyqaralyq tennıs federatsııasy (ITF) 14-18 qyrkúıekte Devıs kýbogynyń toptyq kezeńi (Davis Cup – The World Cup of Tennis) ótetin tórt qalany anyqtady, dep habarlaıdy QazAqparat tilshisi.
Qazaqstan tennıs federatsııasy málim etkendeı, top quramdary 31 naýryzda Londonda ótetin jerebeden keıin belgili bolady.
Devıs kýbogy – álem chempıonatynyń toptyq kezeńi qarsańynda komandalar tórt sebetke bólindi.
Sebetter quramy:
Birinshi: Horvatııa, Ispanııa, Frantsııa, AQSh;
Ekinshi: Germanııa, Italııa, Kanada, Ulybrıtanııa;
Úshinshi: Qazaqstan, Belgııa, Serbııa, Argentına;
Tórtinshi: Shvetsııa, Aýstralııa, Nıderlandy, Ońtústik Koreıa.
Jerebe 31 naýryz kúni elorda ýaqytymen saǵat 20.00-de tartylady.
Osylaısha, 14-18 qyrkúıek aralyǵynda Bolonıa (Italııa), Gambýrg (Germanııa), Glazgo (Ulybrıtanııa) jáne Malaga (Ispanııa) qalalarynda 16 quramanyń ishinen úzdik segizdik anyqtalady. Sodan keıin 23-27 qarashada úzdik segiz qurama arasynan Devıs kýbogynyń jeńimpazy – 2022 jylǵy álem chempıony belgili bolady.
Eske sala keteıik, budan buryn qazaqstandyq jas tennısshiniń Eýropa reıtıngisinde 20 apta boıy kósh bastap kele jatqanyn jazǵan bolatynbyz.
Sondaı-aq Mıhaıl Kýkýshkın ekinshi aınalymǵa ótti.
