Tennısten Devıs kýbogy: Qazaqstan tobynda shırek fınalǵa shyqqan komandalar anyqtaldy
ORAL. QazAqparat – Shotlandııanyń Glazgo qalasynda ótip jatqan Devıs kýbogynyń toptyq básekesinde Qazaqstan quramasy óner kórsetetin D tobynan shırek fınalǵa shyqqan komandalar anyqtaldy, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, Nıderland quramasy Ulybrıtanııany 2:1 esebimen utyp, komandalyq álem chempıonatynyń shırek fınalyna joldama aldy.
Bul matchta Nıderlandqa sheshýshi upaıdy juptyq básekede Veslı Kolhof pen Matve Mıddelkop áperdi. Olar ulybrıtanııalyqtar Endı Marreı – Djo Solsberıdi jeńdi – 7:6 (7:0), 6:7 (6:8), 6:3.
Osyǵan deıin nıderlandylyqtar Qazaqstan quramasynan basym túsken bolatyn. Al AQSh Qazaqstan men Ulybrıtanııadan aılasyn asyrǵan edi.
Sóıtip, 18 qyrkúıek kúni ótetin Qazaqstan – Ulybrıtanııa matchynyń nátıjesine qaramastan, amerıkalyqtar men nıderlandylyqtar shırek fınalǵa joldama aldy. Búgin olardyń ózara básekesinde D tobynda qaı komandanyń birinshi oryn alatyny belgili bolady.
Eske sala keteıik, budan buryn Elena Rybakınanyń Slovenııadaǵy jarystyń jartylaı fınalyna shyqqanyn jazǵan bolatynbyz.
Sondaı-aq qazaqstandyq jasóspirimder tennısten Azııa birinshiliginiń fınalyna shyqty.
Qazaqstandyq tennısshi Ystanbul týrnırinde tabysty óner kórsetti.
