Tennısten Devıs kýbogy: Qazaqstan – Norvegııa matchynyń jerebesi tartyldy
NUR-SULTAN. QazAqparat – Osloda Devıs kýbogy irikteý kezeńi aıasynda ótetin Norvegııa – Qazaqstan matchynyń jerebesi tartyldy, dep habarlaıdy QazAqparat tilshisi.
Qazaqstan tennıs federatsııasy málim etkenindeı, 4 naýryzdaǵy alǵashqy oıyn kúni birinshi bolyp kortqa Mıhaıl Kýkýshkın men Kasper Rýýd shyǵady.
Sodan keıin Aleksandr Býblık pen Vıktor Dýrasovıch kúsh synasady.
5 naýryz kúni úsh báseke josparlanǵan. Aldymen Aleksandr Nedovesov pen Andreı Golýbev juptyq synda Kasper Rýýd – Vıktor Dýrasovıchpen sheberlik baıqasady. Sosyn Býblık pen Rýýd, Kýkýshkın men Dýrasovıch kezdesedi.
Ár quramanyń kapıtany ekinshi oıyn kúni tennısshilerdi almastyra alady.
Match 4 naýryzda elorda ýaqytymen saǵat 23.00-de, kelesi kúni 19.00-de bastalady.
Eske sala keteıik, budan buryn Qazaqstan – Norvegııa matchynda kimderdiń oınaıtyny anyqtalǵanyn jazǵan bolatynbyz.
