Tennısten Devıs kýbogy: Qazaqstan - Norvegııa matchynda kimderdiń oınaıtyny anyqtaldy
NUR-SULTAN. QazAqparat - Oslo qalasynda 4-5 naýryzda ótetin Devıs kýbogy irikteý matchynda kimderdiń oınaıtyny belgili boldy. Bul týraly baspasóz máslıhatynda aıtyldy, dep habarlaıdy QazAqparat tilshisi.
Qazaqstan tennıs federatsııasy málim etkenindeı, atalmysh matchta elimizdiń namysyn Aleksandr Býblık, Mıhaıl Kýkýshkın, Andreı Golýbev, Aleksandr Nedovesov jáne Dmıtrıı Popko qorǵaıdy.
Norvegııa tarapynan Kasper Rýýd, Vıktor Dýrasovıch, Lýkas Hellým Lıllengen, German Hoıeral jáne Sımen Sýnde Bratholm matchqa daıyn.
Qazaqstan quramasynyń kapıtany ıÝrıı Şýkın qarsylasty baǵalaý kerektigin jetkizdi.
«Norvegııa tennısshileri reıtıngte tómen turǵanyna qaramastan, quramy osal emes. Eki kúnge joǵary deńgeıdegi bes oıyn belgilengen. Sondyqtan biz bárine ázir bolýymyz kerek», dedi ıÝ.Şýkın.
«Qazaqstandyqtardyń tájirıbesi mol. Al Norvegııa quramasynda barlyǵy jastar, kúsh-jigeri jetkilikti. Biz sony paıdalanǵymyz keledi», Norvegııa quramasynyń kapıtany Anders Hoset.
Eske sala keteıik, budan buryn Zańǵar Nurlanulynyń Eýropa reıtıngisinde qaıta kósh bastaǵanyn jazǵan bolatynbyz.
