Tennısten Devıs kýbogy: Qazaqstan – Nıderland matchynda Mıhaıl Kýkýshkın ese jiberdi
NUR-SULTAN. QazAqparat – Shotlandııanyń Glazgo qalasynda Devıs kýbogy fınaldyq kezeńiniń toptyq básekesinde Qazaqstan – Nıderland matchy bastaldy, dep habarlaıdy QazAqparat tilshisi.
Kortqa birinshi bolyp Nıderlandtan álemniń 48-raketkasy Tallon Grıkspýr, Qazaqstannan dúnıejúzilik reıtıngte 221-orynda turǵan Mıhaıl Kýkýshkın shyqty.
Birinshi partııada nıderlandyq tennısshi eki breık jasap, des bermedi – 6:1.
T.Grıkspýr ekinshi sette de alǵa ketti – 2:0. M.Kýkýshkın esepti teńestire aldy.
Sodan keıin 20 mınýttan astam ýaqytqa sozylǵan jetinshi geımde óz paıdasyna jaza bildi – 4:3. Sosyn ózi breık jasap, partııany jeńispen támamdady – 6:3.
Úshinshi, sheshýshi partııany nıderlandyq sportshy sátti bastady – 3:0. Sodan keıin matchqa dop bergende, qatelesken joq – 6:3. Tartysty báseke eki saǵatqa jýyq ýaqytqa sozyldy.
Osylaısha, Nıderland 1:0 esebimen alǵa shyqty.
Budan keıin álemniń 35-raketkasy Botık van de Zandshýlp pen reıtıngte 44-satydaǵy Aleksandr Býblık ózara myqtyny anyqtaıdy.
Bul kezdesýde Býblık jeńbese, match Nıderlandtyń paıdasyna sheshiledi.
D tobynda sondaı-aq AQSh jáne Ulybrıtanııa komandalary bar.
Eske sala keteıik, budan buryn Devıs kýbogynda Qazaqstannyń Nıderland komandasymen kezdesetinin, qazaqstandyq tennısshiniń Ystanbul týrnıriniń ekinshi aınalymyna shyqqanyn jazǵan bolatynbyz.
Sondaı-aq Elena Rybakına Slovenııadaǵy jarysty jeńispen bastady.
