Tennısten Devıs kýbogy: Qazaqstan Nıderland quramasynan jeńilip qaldy
NUR-SULTAN. QazAqparat – Shotlandııanyń Glazgo qalasynda Devıs kýbogy fınaldyq kezeńiniń toptyq básekesinde Qazaqstan Nıderland quramasynan jeńilip qaldy, dep habarlaıdy QazAqparat tilshisi.
Ekinshi básekede álemniń 35-raketkasy Botık van de Zandshýlp pen reıtıngte 44-orynda turǵan Aleksandr Býblık kortqa shyqty.
Bul - olardyń ózara alǵashqy kezdesýi edi.
Birinshi partııada qazaqstandyq tennısshi breıkpen alǵa shyqty – 3:1. Aqyry sol basymdylyǵyn saqtap qaldy – 6:3.
Ekinshi sette nıderlandyq sportshy alǵa ketti – 2:0. Sodan soń qarqynyn údetti – 6:1.
Úshinshi partııany Býblık sátsiz bastaǵanymen, qaıyra breık jasady – 1:1.
Alaıda jetinshi geımde 40:0 esebimen alda turyp, qarsylasynyń breık jasaýyna múmkindik berip qoıdy – 3:4. Sosyn Botık matchqa dop bergende qatelesken joq – 6:4.
Tartysty match eki saǵatqa sozyldy.
Osylaısha matchta Nıderland 2:0 esebimen alǵa shyǵyp, jeńiske jetti.
Endi juptyq kezdesý oınalsa da, eshteńeni sheshpeıdi.
15 qyrkúıek kúni qazaqstandyq tennısshiler AQSh quramasymen kúsh synasady.
Eske sala keteıik, budan buryn Elena Rybakınanyń Slovenııadaǵy jarysty jeńispen bastaǵanyn jazǵan bolatynbyz.
Sondaı-aóq Devıs kýbogynda Qazaqstan – Nıderland matchynda Mıhaıl Kýkýshkın ese jiberdi.
