Tennısten Devıs kýbogy: Qazaqstan quramasy AQSh komandasyna jol berdi

NUR-SULTAN. QazAqparat - Shotlandmıanyń Glazgo qalasynda ótip jatqan Devıs kýbogynyń toptyq básekesinde Qazaqstan quramasy AQSh-qa jol berdi, dep habarlaıdy QazAqparat tilshisi.

Matchta ekinshi kezdesýde qos quramanyń birinshi raketkalary Teılor Frıtts pen Aleksandr Býblık oınady.

Birinshi partııa barysynda breık jasaǵan qazaqstandyq tennısshi esep 5:4 bolǵan mezette setke dop bergende, óz múmkindigin paıdalana almady. Sodan keıin taı-breıkte Teılor tabandylyq tanytty - 7:6 (8:6).

Ekinshi sette Býblık aıqyn basymdylyq kórsetti - 6:1.

Alaıda úshinshi, sheshýshi partııada amerıkalyq sportshy jeńisti julyp aldy - 6:3.

Osylaısha, AQSh quramasy 2:0 esebimen alǵa ketip, jeńiske jetti. Endi juptyq báseke eshteńeni sheshpeıdi.

Sóıtip, eki matchta utylǵan qazaqstandyqtar shırek fınalǵa shyǵý múmkindiginen aıyryldy.

Eske sala keteıik, budan buryn tennısten Devıs kýbogynda Qazaqstan quramasynyń ekinshi matchyn ótkizetinin jazǵan bolatynbyz .

Sondaı-aq Qazaqstanmen matchta AQSh quramasy alǵa shyqty .