Tennısten Devıs kýbogy: Alǵashqy oıynda Qazaqstan Nıderlandyǵa ese jiberdi
ORAL. QazAqparat – Búgin elordada Devıs kýbogynyń irikteý kezeńinde Qazaqstan – Nıderlandy matchy bastaldy, dep habarlaıdy QazAqparat tilshisi.
Alǵashqy bolyp kortqa Mıhaıl Kýkýshkın men Robın Hase shyqty.
M.Kýkýshkın dúnıejúzilik reıtıngte 91-orynda tursa, qarsylasy 169-satyda edi. Degenmen ekeýiniń de sheberligi tolysqan, tájirıbeli sportshylar ekeni anyq-ty.
Birinshi partııa qazaqstandyq tennısshi jaqsy bastaǵanymen, sońyna qaraı ábjildik tanytqan R.Hase jeńiske jetti – 6:4.
Esesisine ekinshi sette breık jasaǵan M.Kýkýshkın 3:0 esebimen alǵa shyqty. Alaıda qarsylasy tarazy basyn teńestirip úlgerdi. Budan keıin qazaqstandyq tennısshi ózi dop bergende, 0:40 esebimen utylyp jatyp, geımdi óz paıdasyna sheshe aldy – 4:3. Aqyry taı-breıkte aıqyn basymdylyq tanytty – 7:6 (7:2).
Úshinshi, sheshýshi partııada esep 4:3 bolǵan mezette R.Hase breık jasap ketti. Sodan soń ekinshi matchbolyn múlt jibergen joq – 6:3.
Tartysty báseke 1 saǵat 48 mınýtqa sozyldy.
Osylaısha Nıderlandy 1:0 esebimen alǵa shyqty.
Búgin sondaı-aq Qazaqstannyń birinshi, álemniń 51-raketkasy Aleksandr Býblık reıtıngte 196-satydaǵy Tallon Grıkspýrmen sheberlik baıqasady.
Erteń Aleksandr Nedovesov pen Andreı Golýbev juptyq synda Ýeslı Kýlhof pen Jan-Jıýlen Roıermen kezdesedi. Al A.Býblık R.Hasemen, M.Kýkýshkın T.Grıkspýrmen kúsh synasady.
Bul matchtyń jeńimpazy Madrıdte 23-29 qarashada ótetin jarystyń fınaldyq kezeńine joldama alady. Ótken jyly Ispanııa astanasynda óner kórsetken qazaqstandyqtar Nıderlandy quramasyn 2:1 esebimen tize búktirgen bolatyn.
Bıyl Qazaqstan quramasynyń kapıtandyq tizginin Dıas Dosqaraevtan ıÝrıı Şýkınniń alǵany belgili.
Eske sala keteıik, budan buryn qazaqstandyq tennısshilerdiń reıtıngtegi orny jóninde jazǵan bolatynbyz.
Tartysty báseke 2 saǵat 28 mınýtqa sozyldy.
