Tennısten Devıs kýbogy: Pákistanmen matchqa jeńis úshin shyǵamyz – Qazaqstan kapıtany

ASTANA. KAZINFORM – Devıs kýbogynyń birinshi álemdik tobynda 1-2 aqpanda Astanada Qazaqstan men Pákistan arasynda ótetin pleı-off matchy qarsańynda dástúrli baspasóz máslıhaty boldy.

Qazaqstan quramasynyń kapıtany ıÝrıı Şýkın qarsylasty baǵalamaýǵa bolmaıtynyn atap ótti.

- Pákistan nashar komanda emes, sondyqtan matchta utý úshin daıyndalýdamyz. Biz barynsha kúshti qurammen oınap, jeńis úshin barymyzdy salamyz. Juptyq báseke týraly aıtsaq, túrli nusqany qarastyrýdamyz. Tennısshilerdi jattyǵý barysynda baıqap kóremiz. Jerebege deıin bári anyqtalady, - dedi ıÝ.Şýkın.

Pákistan komandasynyń kapıtany Mýhammad Haseeb Aslam qazaqstandyqtardyń favorıt ekendigin moıyndady.

- Biz aýa raıyna beıimdelip, kortqa úırený úshin Astanaǵa erterek keldik. Qazaqstan quramasynyń músheleri – bári de tájirıbeli oıynshylar. Joǵary deńgeıde kópten beri óner kórsetip keledi, bizden anaǵurlym myqty. Soǵan qaramastan, biz de jeńis úshin keldik. Bizdiń quramada óz múmkindigin kútken jastar kóp. Sondyqtan tennıste bári de múmkin, joǵary nátıjege jetýge umtylamyz, - dedi Mýhammad Haseeb Aslam.

Eske sala keteıik, budan buryn jas tennısshi Ahmadı Maqanov týraly ne biletinimizdi jazǵan bolatynbyz.

Sondaı-aq Anna Danılına Aýstrııadaǵy jarystyń shırek fınalyna shyqty.