Tennısten Devıs kýbogy: Koreıamen matchta Qazaqstan namysyn kimder qorǵaıdy
ASTANA. KAZINFORM — Devıs kýbogynyń birinshi álemdik tobyndaǵy pleı-off matchynda óner kórsetetin Qazaqstan quramasy anyqtaldy.
Chhýnchhon qalasynda 12-13 qyrkúıekte Ońtústik Koreıa men Qazaqstan quramasy sheberlik baıqasady.
Qazaqstan tennıs federatsııasynan málim etkenindeı, ıÝrıı Şýkın bastaǵan bapkerlik shtab myna oıynshylarǵa senim artty: Aleksandr Býblık, Aleksandr Shevchenko, Tımofeı Skatov, Dmıtrıı Popko jáne Beıbit Juqaev.
Básekeler Songam Sport Town stadıonynda hard tósenishindegi korttarda ótedi.
Devıs kýbogynyń irikteý matchtary tórt jekeleı jáne bir juptyq kezdesýden turady. Oıyn úsh settik sıpatta bolady.
Eske sala keteıik, budan buryn AQSh ashyq chempıonatynda Zańǵar Nurlanulynyń jasóspirimder arasynda týrnırdi sátti bastaǵanyn jazǵan edik.
Aleksandr Býblık álemniń 1-raketkasynan utylyp qaldy.