Tennısten Býenos-Aıreste Argentına men Qazaqstan arasynda Devıs kýbogynyń shırek fınaldyq oıyny ótedi
ALMATY. 4 shilde. QazAqparat /Erlik Erjanuly/ - Shildeniń 7-9 kúnderi Býenes-Aıreste tennısten Qazaqstan men Argentına quramalary arasynda Devıs kýbogynyń shırek fınaldyq oıyny ótedi.
Onda el namysyn Andreı Golýbev, Mıhaıl Kýkýshkın, ıÝrıı Şýkın men Evgenıı Korolev qorǵaıtyn bolady. Al alań qojaıyndarynyń komandasynda Hýan Ignasıo Chela, Hýan Martın Del Potro, Hýan Monako men Edýardo Shvank bar. Alǵashqy kúni quramanyń 1-nómirleri qarsylastardyń 2-shi nómirlerimen kezdesedi. Al ekinshi kúni juptyq saıysta ótip, jarystyń sońǵy kúni aqtyq jekeleı syndar ótedi.
Jalpy Devıs kýbogynyń shırek fınaldyq oıyndarynda Argentına men Qazaqstannan bólek, Serbııa men Shvetsııa, AQSh pen Ispanııa, Germanııa men Frantsııa quramalary da ózara saıysqa túspek. Argentına men Qazaqstan arasyndaǵy saıys alǵashqy kezde 8-10 shilde kúnderi ótedi dep josparlanǵan bolatyn. 10 shildede Býenes-Aıres meri men Úkimetiniń saılaýy bolatyndyqtan Halyqaralyq tennıs federatsııasy jarystyń merzimin bir kúnge ilgeri jyljytýǵa sheshim shyǵardy.
