Tennısten Aýstralııa ashyq chempıonaty: Qazaqstandyqtardyń qarsylastary belgili boldy
NUR-SULTAN. QazAqparat – Qazaqstandyq tennısshilerdiń Aýstralııa ashyq chempıonatyndaǵy qarsylastary belgili boldy, dep habarlaıdy QazAqparat tilshisi.
«Úlken dýlyǵa» týrnıriniń 29-raketkasy bolyp tirkelgen Elena Rybakına alǵashqy aınalymda dúnıejúzilik reıtıngte 70-orynda turǵan amerıkalyq Bernarda Peramen oınaıdy.
Álemniń 37-raketkasy ıÝlııa Pýtıntseva reıtıngte ózinen bir saty joǵary turǵan 33 jastaǵy taıbeılik Se Shýveımen sheberlik baıqasady.
Al 73-oryndaǵy Zarına Dııastyń qarsylasy – taǵy bir amerıkalyq, álemniń 22-raketkasy, 18 jastaǵy jas talantty tennısshilerdiń biri Amanda Anısımova.
Erler arasynda Qazaqstannyń birinshi, álemniń 57-raketkasy Aleksandr Býblık reıtıngte 65-oryndaǵy amerıkalyq Djordan Tompsonmen kezdesedi.
Reıtıngte 67-satyda turǵan Mıhaıl Kýkýshkın Aýstralııa eliniń ókili Mark Polmanspen kúsh synasady.
Jekeleı synda bulardyń qataryna irikteý saıystarynan ótse, taǵy bir qazaqstandyq Dmıtrıı Popkonyń qosylýy múmkin.
Negizgi doda 20 qańtarda bastalyp, eki aptaǵa sozylyp, 2 aqpanda márege jetedi.
Eske sala keteıik, budan buryn Dmıtrıı Popkonyń Aýstralııa ashyq chempıonatynyń irikteý saıysyn sátti bastaǵanyn, al Elena Rybakınanyń Hobart týrnıriniń jartylaı fınalyna shyqqanyn jazǵan bolatynbyz.
