Tennısten Australian Open týrnıriniń qashan ótetini belgili boldy
NUR-SULTAN. QazAqparat - Tennısten erler arasyndaǵy Aýstralııa ashyq chempıonaty (Australian Open) 2021 jyldyń 8 jáne 21 aqpan aralyǵynda ótkiziledi, dep habarlaıdy QazAqparat tilshisi.
Bul jóninde kásipqoı tennısshiler assotsıatsııasy málim etti.
Halyqaralyq týrnır Avstralııanyń Melbýrn qalasynda bolady. Atalǵan dodanyń irikteý kezeńi aldaǵy jyldyń 10-13 qańtaryna Katar astanasy - Doha qalasynda ótedi dep josparlanǵan.
Australian Open týrnıriniń negizgi kezeńine joldama alǵan sportshylar 15 jáne 31 qańtar aralyǵynda Avstralııaǵa attanady. Onda 14 kúndik karantınde bolady.
ATP aldaǵy jyly ótetin ózge de týrnırlerdiń tizimin jarııalady. Alǵashqysy 5-13 qańtar aralyǵynda AQSh-tyń Florıda shtatyndaǵy Delreı-Bıch, Túrkııanyń Antalııa qalalarynda ótkiziledi.
Al 1-5 aqpan aralyǵynda Avstralııanyń Melbýrn qalasynda ATP Cup týrnıri jalaýyn jelbiretse, odan keıin Australian Open týrnıri jalǵasyn tabady.
