Tennısten "Almaty SPA Rezort Open" týrnıri ótedi
ALMATY. 5 qarasha. QazAqparat /Erlik Erjanuly/ - Almatyda 5 qarasha kúni bıyl kúrdeli jóndeý jumystarynan keıin qaıta ashylǵan "Almaty" saýyqtyrý SPA kýrortynda kásipqoı jáne áýesqoı oıynshylar úshin 4 tennıs korttarynyń ashylý rásimi ótedi.
Oǵan qalalyq tennıs federatsııasynyń prezıdenti Marat Baımuhametov pen QR Tennıs federatsııasynyń bas bapkeri Erık van Harpıng shaqyrylyp otyr. Al 7 qarasha kúni onda áýesqoı tennısshiler arasynda Saýyqtyrý SPA kýrortynyń júldesi úshin "Almaty SPA Rezort Open" týrnıri ótedi. Bul jarysta erler men áıelder jekeleı synda ǵana óner kórsetpek. Úzdik shyqqandar arnaıy syı-sııapattarmen jáne dıplomdarmen marapattalmaq.
