Tennısten «Almaty Futures» halyqaralyq týrnıriniń ekinshi kezeńi ótip jatyr
ALMATY. 12 mamyr. QazAqparat /Erlik Erjanuly/ - Almatydaǵy «Gorky Tennis Park» kortynda «Almaty Futures» halyqaralyq týrnıriniń ekinshi kezeńi ótip jatyr. Olardyń arasynda qazaqstandyq Danıl Braýn da bar.
Ol endi reseılik Mıhaıl Fýfýgındi utsa, shırek fınalǵa joldama alatyn bolady. Buǵan deıin Danıl alǵashqy aınalymda taǵy bir qazaqstandyq sportshy Anton Saranchýktan 6:4, 6:2 esebimen basym túsken edi. Al onyń qarsylasy Mıhaıl bolsa óz otandasy S.Krotıýkti 5:7, 6:4, 7:6 esebimen utqan.
Jalpy 14 jastan eresekter arasyndaǵy bul doda Qazaqstan Tennıs federatsııasynyń kúntizbesinde joǵary dárejeli týrnır sanalady. Oǵan qazaqstandyqtardan basqa Qyrǵyzstan, Ózbekstan, Reseı, Japonııa, Italııa, Belarýs, Ýkraına jáne Polsha memleketteriniń tennısshileri qatysýda.
