Tennısten álem chempıonatyna joldama alý úshin barymyzdy salamyz – Sergeı Kvak
- Sergeı, Juniors Davis Cup irikteý saıysynyń bastalýyna bir aptadan astam ýaqyt qaldy. Komandanyń ázirlik deńgeıi qalaı?
- Qazaqstandyq jasóspirimder osy aptanyń aıaǵynda Shymkentte bas qosady. Báriniń de kóńil-kúıi jaqsy. Ózim jáne Team Kazakhstan akademııasynyń dırektory Tımýr Aqqazıev olarmen únemi baılanystamyz.
- Bizdiń qurama aldyndaǵy maqsat-mindet qandaı?
- Basty mindet – álem chempıonatyna joldama alý. Óz jerimizde jaqsy oıyn órnegin kórsetip, jeńis úshin bar kúsh-jigerimizdi salatynymyz anyq.
- Ótken jyly 14 jasqa deıingiler arasynda álem chempıonatynda qurama kapıtany boldyńyz. Dúnıejúzilik dodada Qazaqstan tuńǵysh ret tórtinshi orynǵa taban tiredi. 16 jasqa deıingiler arasynda Qazaqstan jasóspirimder quramasy osy jetistikti qaıtalaı nemese odan asyp túse ala ma?
- Bárin de jarys kórsetedi. Ótken jyly qazaqstandyq jasóspirimder úzdik nátıjege qol jetkizdi. Bul – bárimiz úshin basty meje. Bizdiń komanda myqty, nátıjeni jaqsartý úshin barlyq múmkindik bar.
- Iá, bıyl quram myqty. Zańǵar Nurlanuly men Ámir Omarhanovtan úlken úmit kútemiz. Quramanyń úshinshi oıynshysy qashan anyqtalady?
- Buıyrsa, 2 mamyr kúni belgili bolady. Úshinshi oıynshy retinde Damır Jalǵasbaı, Artem Sıdorov, Erasyl Baqtııardyń ishinen bireýi tańdalyp alynady.
- Ámir men Zańǵardyń baby qandaı?
- Ámir Omarhanov aqpanda Qaraǵandyda ITF J60 dodasynyń jeńimpazy atandy. Naýryzda Germanııada J100 týrnırinde shırek fınalǵa deıin jetti. Ol jeke bapkeri Petr Vladımırovıch Nesterovtiń únemi baqylaýynda. Ámirdiń betalysy jaqsy, qazirgi tańda óz sheberligin arttyra túsetindeı múmkindikteri bar.
Zańǵar Nurlanuly da bıyl ITF jarysynda jeńiske jetti. Slovakııada qańtarda J60 týrnırinde úzdik shyqty. Ol Aýstrııa, Majarstan jáne Slovakııa elderindegi bedeldi dodalarda reıtıngilik upaılarǵa ıe bolyp keledi.
- Shymkentte alǵash bolyp bizdiń qyzdar Juniors Billie Jean King irikteý saıysynda baq synaıdy. ıAroslava Shvedovanyń shákirtterine ne tiler edińiz?
- Eń bastysy, árıne, tabys tileımin. Olar ózderiniń úzdik ónerin kórsetedi dep senemin. Biz óz tarapymyzdan qoldaýǵa daıynbyz. Alǵa, Qazaqstan!
- Áńgimeńizge rahmet. Qazaqstan jasóspirimderine jeńis tileımiz.
Eske sala keteıik, budan buryn Qazaqstanda alǵash ret tennısten álem chempıonatynyń irikteý saıystary ótetinin jazǵan bolatynbyz.
Álem chempıonatyna joldama úshin qyzdar arasynda Qazaqstan, Aýstralııa, Taıbeı, Gonkong, Úndistan, Indonezııa, Malaızııa, Iran, Japonııa, Ońtústik Koreıa, Qyrǵyzstan, Mońǵolııa, Jańa Zelandııa, Taıland, Ózbekstan, Vetnam quramalary talasady
Bozbalalar arasynda Qazaqstan, Aýstralııa, Malaızııa, Pákstan, Sıngapýr, Taıbeı, Gonkong, Úndistan, Indonezııa, Iran, Japonııa, Ońtústik Koreıa, Jańa Zelandııa, Taıland, Ózbekstan, Vetnam komandalary kortqa shyǵady.
Qazaqstan namysyn myna sportshylar qorǵaıdy:
Bozbalalar:
1. Ámir Omarhanov (Qaraǵandy)
2. Zańǵar Nurlanuly (Túrkistan).
Úshinshi bos orynǵa Damır Jalǵasbaı (Almaty), Baqtııar Erasyl (Astana) jáne Artem Sıdorov (Almaty) talasady.
Qyzdar:
1. Іńkár Dúısebaı (Almaty)
2. Polına Sleptsova (Almaty)
3. Arıana Gogýlına (Astana)
4. Anastasııa Krymkova (Taraz).
Osylardyń ishinen komanda kapıtany ıAroslava Shvedova úsheýin tańdaıdy.
Shymkenttegi irikteý dodasynda 16 komanda tórt topqa bólinedi. Ár toptan eki úzdik qurama pleı-off kezeńine shyǵyp, álem chempıonatynyń joldamasyn sarapqa salady. Azııa – Tynyq muhıt aımaǵynan bozbalalar arasynda álem chempıonatyna tórt joldama beriledi, ıaǵnı jartylaı fınalǵa shyqqan komandalar álem birinshiligine joldama alady. Qyzdar arasynda úsh joldamaǵa úzdik úshtikke engender ıe bolady.
Shymkentpen qatar, Eýropa, Afrıka, Ońtústik, Soltústik jáne Ortalyq Amerıkada irikteý jarystary ótip, álem chempıonatyna baratyn 16 komanda anyqtalady.
Ótken jyly Sergeı Kvak daıyndaǵan 14 jasqa deıingiler arasynda Qazaqstan jasóspirimder quramasy óz tarıhyndaǵy eń úzdik kórsetkishine qol jetkizdi. Іrikteý saıystarynan keıin álem chempıonatyna joldama alǵan komanda shilde aıynda Chehııanyń Prosteev qalasynda ótken dúnıejúzilik dodada júldege qol sozym jerden toqtap, úzdik tórttikke ilikti. Qurama sapynda Zańǵar Nurlanuly, Damır Jalǵasbaı jáne Danıel Tazabekov oınady. Bıyl Zańǵar 16 jasqa deıingiler arasynda óner kórsetpekshi.
Qazaqstandyq jasóspirimderge sáttilik tileımiz.
