Tennısten ÁCh: Jasóspirimder quramasynyń qarsylastary anyqtaldy

NUR-SULTAN. QazAqparat – Prosteev qalasynda (Chehııa) 1-6 tamyzda 14 jasqa deıingiler arasynda ótetin komandalyq álem chempıonatynyń (2022 ITF World Junior Tennis Finals) jerebesi tartyldy, dep habarlaıdy QazAqparat tilshisi.

Qazaqstan tennıs federatsııasynan málim etkenindeı, qazaqstandyq jasóspirimder A tobynda Italııa, Argentına jáne Ekvador komandalarymen synǵa túsedi.

Italııa quramasy – álem chempıondary. Ótken jyly olar fınalda reseılikterdi 2:0 esebimen utqan bolatyn. Argentına da osal emes, bul qurama 2016 jyly úzdik shyqqan edi.

Qazaqstandyqtar álemdik dodada segizinshi bolyp tirkelgen. El namysyn Zańǵar Nurlanuly, Damır Jalǵasbaı jáne Danıel Tazabekov qorǵaıdy. Bapkerler quramy: Sergeı Kvak – kapıtan (bas jattyqtyrýshy), Dmıtrıı Kostetskıı – jalpy dene daıyndyǵy boıynsha jattyqtyrýshy, Tımýr Aqqazıev – delegatsııa basshysy, federatsııanyń Team Kazakhstan departamentiniń dırektory.

Eske sala keteıik, budan buryn tennısshi Anna Danılınanyń Varshava týrnıriniń jeńimpazy atanǵanyn jazǵan bolatynbyz.

Foto: ktf.kz