Tennısten ÁCh: Ulybrıtanııamen matchta ıÝlııa Pýtıntseva Qazaqstandy alǵa shyǵardy
ASTANA. QazAqparat – Shotlandııanyń Glazgo qalasynda tennısten komandalyq álem chempıonaty – Bıllı Djın Kıng kýbogynyń fınaldyq kezeńinde S tobynda Qazaqstan – Ulybrıtanııa matchy ótip jatyr, dep habarlaıdy QazAqparat tilshisi.
Kortqa alǵashqy bolyp Qazaqstannyń ekinshi, álemniń 51-raketkasy ıÝlııa Pýtıntseva men dúnıejúzilik reıtıngide 124-orynda turǵan Ketı Býlter shyqty.
Osyǵan deıin qarsylastar eki ret kezdesip, ekeýinde de ıÝ.Pýtıntseva jeńiske jetken edi.
Bul joly bastapqy kezde ıÝlııanyń oıyny júrmeı, qalypqa kele almady. Sony paıdalanǵan brıtandyq tennısshi 3:1 esebimen alǵa ketti. K.Býlter set sońyna deıin sol basymdylyqty saqtap qaldy – 6:4.
Ekinshi partııada kerisinshe qazaqstandyq sportshy breık jasap, esepti 4:2-ge jetkizdi. Sosyn óz múmkindigin jibergen joq – 6:3.
Úshinshi, sheshýshi sette ıÝ.Pýtıntseva qatarynan eki breık jasady – 4:0. Sodan soń óziniń eki geımin aldy – 6:2.
Osylaısha, ıÝ.Pýtıntseva komandasyn alǵa shyǵardy. Esep – 1:0, Qazaqstannyń paıdasynda.
Ekinshi oıynda Qazaqstannyń birinshi, álemniń 22-raketkasy Elena Rybakına men reıtıngte 98-satydaǵy Herrıet Dart sheberlik baıqasady.
Sondaı-aq Qazaqstannyń juptyq syndaǵy úzdigi Anna Danılına men E.Rybakınanyń Alısııa Barnett – Olıvııa Nıkollstiń básekesi belgilengen.
Álem chempıonaty úsh komandadan tórt topqa bólingen. Ár toptyń jeńimpazdary ǵana jartylaı fınalǵa joldama alady.
Eske sala keteıik, budan buryn tennısten komandalyq álem chempıonatynda Qazaqstan quramasy Ulybrıtanııamen kezdesetinin jazǵan bolatynbyz.
