Tennısten ÁCh: Shymkentte jasóspirimder arasynda irikteý týrnıri ótedi

ASTANA. KAZINFORM - Shymkentte ekinshi jyl qatarynan 16 jasqa deıingi jasóspirimder arasynda Devıs kýbogi men Bıllı Djın Kıng kýboginiń Azııa - Tynyq muhıt aımaǵy boıynsha irikteý týrnıri ótedi.

Qazaqstan tennıs federatsııasynan málim etkenindeı, 13-25 mamyrda bolatyn dodada Qazaqstannan basqa Aýstralııa, Japonııa, Ońtústik Koreıa, Qytaı, Úndistan, Taıbeı, Gonkong, Iran, Indonezııa, Jańa Zelandııa, Ózbekstan, Iordanııa, Malaızııa, Taıland, Vetnam jáne Shrı-Lanka quramalary baq synaıdy.

Qazaqstan quramasy sapynda myna oıynshylar qatysady.

Bozbalalar:

1.Zańǵar Nurlanuly (Túrkistan),

2.Damır Jalǵasbaı (Almaty),

3.Danıel Tazabekov (Shymkent).

Kapıtany: Sergeı Kvak.

Qyzdar:

1.Arıana Gogýlına (Astana),

2.Albına Kákenova (Astana),

3.Eva Korysheva

(Aqtóbe),

4.Sátıma Tóregen, qosymsha oıynshy (Almaty).

Kapıtany: ıAroslava Shvedova.

Ótken jyly 16 jasqa deıingi Qazaqstan jasóspirimder quramalary óz tarıhynda alǵash ret komandalyq álem chempıonatynyń fınaldyq kezeńine joldama alǵan edi.

Ár irikteý saıysyna 16 komanda qatysady. Ár toptan eki qurama pleı-off kezeńine shyǵyp, joldamalardy sarapqa salady. Bıyl Azııa - Tynyq muhıt aımaǵy boıynsha jartylaı fınalǵa shyqqan komandalar álem chempıonatyna joldama alady.

Eske sala keteıik, budan buryn Aısha Saırannyń Azııa tennıs reıtınginde 16 jasqa deıingiler arasynda kósh bastaǵanyn jazǵan bolatynbyz.