Tennısten ÁCh: irikteý týrnırinde Qazaqstan jasóspirimder quramasynyń qarsylastary anyqtaldy

ShYMKENT. KAZINFORM – 20-25 mamyrda Shymkent qalasynda 16 jasqa deıingiler arasynda Devıs kýboginiń Azııa – Tynyq muhıt aımaǵy boıynsha irikteý týrnıri ótedi. 

Komandalyq álem chempıonatyna joldamany Qazaqstan, Aýstralııa, qytaılyq Taıbeı, Gonkong, Úndistan, Malaızııa, Iran, Japonııa, Ońtústik Koreıa, Qytaı, Jańa Zelandııa, Taıland, Ózbekstan, Vetnam, Iordanııa quramalary sarapqa salady.

Belline Arena ulttyq tennıs ortalyǵynda jerebe tartylyp, Qazaqstan jasóspirimderi A tobynda Qytaı, Ózbekstan jáne Malaızııa komandalarymen oınaıtyn boldy. Búgin Sergeı Kvaktyń shákirtteri Ózbekstanmen synǵa túsedi.

Qazaqstan namysyn myna sportshylar qorǵaıdy:
1. Zańǵar Nurlanuly,
2. Damır Jalǵasbaı,
3. Danıel Tazabekov.
Kapıtan: Sergeı Kvak.

Ótken jyly Qazaqstan jasóspirimder quramasy irikteýden sátti ótip, alǵash ret komandalyq álem chempıonatynyń fınaldyq kezeńine shyqqan edi.

Іrikteý saıystaryna qatysatyn 16 komanda tórt topqa bólingen. Ár toptan eki qurama pleı-off kezeńine ótedi. Jartylaı fınalǵa ótkender álem chempıonatyna joldama alady.

Eske sala keteıik, budan buryn Rolan Garros týrnıriniń irikteý satysynda 4 qazaqstandyq tennısshi oınaıtynyn jazǵan bolatynbyz.

ıÝlııa Pýtıntseva álemdik reıtıngide 37-orynǵa kóterildi.