Tennısten ÁCh: Qazaqstanmen matchta Ispanııa alǵa shyqty
ASTANA. QazAqparat – Shotlandııanyń Glazgo qalasynda tennısten komandalyq álem birinshiligi – Bıllı Djın Kıng kýboginiń fınaldyq kezeńinde S tobynda Qazaqstan bes dúrkin álem chempıony Ispanııa quramasymen kezdesip jatyr, dep habarlaıdy QazAqparat tilshisi.
Kortqa alǵashqy bolyp óz komandalarynyń ekinshi raketkalary, buǵan deıin ózara joldary toqaılaspaǵan ıÝlııa Pýtıntseva men Nýrııa Parrızas Dıas shyqty.
ıÝ.Pýtıntseva álemniń 51-raketkasy bolsa, ıspanııalyq tennısshi 72-satyda edi.
Ulybrıtanııamen matchtaǵydaı, birinshi partııada ıÝlııanyń oıyny júrmeı, qarsylasy 4:0 esebimen alǵa ketti. Budan keıin Pýtıntseva esepti qysqartqanymen, odan árige shamasy jetpedi – 4:6.
Ekinshi sette esesine qazaqstandyq tennısshi breık jasap, basymdylyqqa ıe boldy – 3:1. Sosyn setti taǵy bir breıkpen túıindedi – 6:2.
Úshinshi, sheshýshi partııany ıÝlııa sátti bastady – 2:0. Alaıda budan keıin qarsylasy kúsh alyp ketti. Ol eki márte breık jasap, ózi alǵa shyqty. Dıas matchqa dop bergende, Pýtıntseva tarazy basyn teńestirdi – 5:5. Aqyry taı-breıkte ıspanııalyq tennısshi sátti oınady – 7:6 (7:5).
Osylaısha, Ispanııa 1:0 esebimen alǵa shyqty.
Ekinshi oıynda Qazaqstan men Ispanııanyń birinshi raketkalary Elena Rybakına men Paýla Badosa sheberlik baıqasady.
Eske sala keteıik, budan buryn tennısten álem chempıonatynda Qazaqstannyń Ispanııa quramasymen kortqa shyǵatynyn jazǵan bolatynbyz.
