Tennısten ÁCh: qazaqstandyq jasóspirimder Argentına quramasyn utty
NUR-SULTAN. QazAqparat – Prosteev qalasynda (Chehııa) 14 jasqa deıingiler arasynda komandalyq álem chempıonaty (2022 ITF World Junior Tennis Finals) jalǵasýda, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, jarystyń ekinshi kúni qazaqstandyq jasóspirimder 2016 jylǵy álem chempıony – Argentına quramasyn utty.
Qazaqstan quramasynyń kapıtany Sergeı Kvak bul joly Bendjamın Chelııaǵa qarsy quramanyń úshinshi nómirli oıynshysy Danıel Tazabekovti shyǵardy.
Bendjamın keshe 2021 jylǵy álem chempıony Italııamen ótken matchta komandasyna mańyzdy eki upaıdy áperdi. Áýeli jekeleı, sosyn juptyq básekede utty.
D.Tazabekov oıyn tizginin ýysynan shyǵarmaı, 7:5, 6:2 esebimen jeńiske jetti.
Sodan keıin Zańǵar Nurlanuly Argentına quramasynyń kóshbasshysy Dante Paganımen oınady. Birinshi partııada Zańǵar 6:2 esebimen basym tústi. Alaıda qalǵan eki sette argentınalyq tennısshi sátti óner kórsetti – 6:1, 6:1.
Match taǵdyry juptyq básekede sheshildi. Damır Jalǵasbaı men Danıel Tazabekov Dante Paganı – Bendjamın Chelııany tize búktirdi – 6:1, 6:4.
Osylaısha, qazaqstandyqtar qarsylas komandany 2:1 esebimen qapy qaldyrdy.
Shırek fınalǵa shyǵý úshin qazaqstandyqtar erteń Italııa quramasyn jeńýi kerek.
Eske sala keteıik, budan buryn tennısshi Anna Danılınanyń álemdik reıtıngide 19-orynǵa kóterilgenin, tennısten álem chempıonatynda Qazaqstan jasóspirimder quramasynyń Ekvadorǵa jol bergenin jazǵan bolatynbyz.
Sondaı-aq Elena Rybakına San-Hose týrnırinde jeńilip qaldy.
Foto: ktf.kz
