Tennısten ÁCh: qazaqstandyq qyzdar irikteý týrnırinde alǵashqy jeńisine qol jetkizdi
ASTANA. KAZINFORM – Shymkent qalasynda Belline Arena ulttyq tennıs ortalyǵynda 16 jasqa deıingiler arasynda Bıllı Djın Kıng kýbogy (komandalyq álem chempıonaty) Azııa – Tynyq muhıt aımaǵy boıynsha irikteý týrnıri ótip jatyr.
Azııa men Tynyq muhıt aımaǵy boıynsha 16 komanda fınaldyq kezeńge beriletin joldamany sarapqa salýda.
Qazaqstan jasóspirimder quramasy D tobyna Qytaı, Taıland, Fılıppın komandalarymen birge tústi.
Jarystyń alǵashqy kúni ıAroslava Shvedovanyń shákirtteri fılıppındikterdi 3:0 esebimen oısyrata utty.
Aldymen Erkejan Jańataeva Djeıdenge esh múmkindik qaldyrmady – 6:0, 6:0. Onyń bastamasyn Eva Korysheva jalǵap, Dıazdy 6:0, 6:2 esebimen qapy qaldyrdy. Juptyq synda Erkejan men Eva Djeıden – Frantsıskýdy ońaı jeńdi – 6:1, 6:2.
Birinshi kúnniń qorytyndysy boıynsha Qazaqstan men Qytaıda úsh upaıdan bar. Qytaılyqtar Taıland quramasyn tize búktirdi – 3:0.
Erteń qazaqstandyqtar Taılandpen kortqa shyǵady.
Eske sala keteıik, budan buryn tennısten Qazaqstan quramasy álem chempıonatynyń shırek fınalynda AQSh-pen oınaıtynyn jazǵan edik.