Tennısten ÁCh: Qazaqstan jasóspirimderi tartysty matchta Germanııaǵa jol berdi

ASTANA. KAZINFORM — Chehııanyń Prosteev qalasynda 14 jasqa deıingiler arasynda tennısten álem chempıonaty ótip jatyr.

Qazaqstan jasóspirimder quramasy V tobynda alǵashqy kezdesýin 2014 jylǵy álem chempıony Germanııamen ótkizdi.

Aldymen Haqnazar Jetkerbaı Tennis Europe reıtıngisinde 14-orynda turǵan Danıel Sharnetskıge ese jiberdi – 3:6, 2:6.

Ekinshi básekede Ahmadı Maqanov sensatsııa jasaı bildi. Ol Tennis Europe reıtıngisinde 8-satydaǵy Lýıs Kalındi 6:1, 2:6, 7:5 esebimen utyp ketti.

Match taǵdyry juptyq synda sheshildi. Onda Ahmadı men Haqnazar baryn salǵanymen, Danıel – Lýıstan jeńilis tapty – 3:6, 4:6.

Búgin Saǵadat Aıaptyń shákirtteri Japonııa quramasymen kortqa shyǵady.

Eske sala keteıik, budan buryn Germanııadaǵy jarysta Skatovtyń Popkony utyp, kelesi aınalymǵa shyqqanyn jazǵan bolatynbyz.

Sondaı-aq Elena Rybakına Monreal týrnıriniń jartylaı fınalyna ótti.