Tennısten ÁCh: Qazaqstan jasóspirimderi irikteý jarysynyń shırek fınalynda oınaıdy

ShYMKENT. KAZINFORM — Qazaqstan jasóspirimder quramasy Shymkent qalasynda 16 jasqa deıingiler arasynda ótip jatqan Devıs kýbogi Azııa — Tynyq muhıt aımaǵy boıynsha irikteý týrnıriniń shırek fınalyna joldama aldy.

Qazaqstan quramasy A tobynda keshe Ózbekstan quramasyn 3:0 esebimen utsa, búgin Malaızııany oısyrata utty — 3:0.

Aldymen Danıel Tazabekov 46 mınýtqa sozylǵan matchta Abıbke birde-bir geım bergen joq — 6:0, 6:0.

Zańǵar Nurlanuly Devashty tas-talqan etip jeńdi — 6:1, 6:0. 

Juptyq synda D. Tazabekov — Damır Jalǵasbaı qarsylastaryna esh múmkindik qaldyrǵan joq — 6:0, 6:2. 

Sársenbi kúni Sergeı Kvaktyń shákirtteri Qytaı quramasymen oınaıdy.

Qytaılyqtar da shırek fınalǵa merziminen buryn joldama aldy. Atalmysh matchta A tobynan qaı komandanyń birinshi orynmen shyǵatyny sheshiledi. 

Eske sala keteıik, budan buryn Tımofeı Skatovtyń Germanııadaǵy týrnırdiń 1/8 fınalyna ótkenin jazǵan bolatynbyz.