Tennısten ÁCh: Qazaqstan jasóspirimder quramasynyń qarsylastary anyqtaldy

ASTANA. KAZINFORM — Malaızııanyń Kýchıng qalasynda 14 jasqa deıingi bozbalalar arasynda komandalyq álem chempıonaty Azııa — Tynyq muhıt aımaǵy boıynsha irikteý týrnıriniń jerebesi tartyldy.

Qazaqstandyq jasóspirimder V tobynda Japonııa, Iran jáne Indonezııa komandalarymen oınaıdy.

Bıyl Qazaqstan quramasy jarystyń úshinshi, Japonııa 8-raketkasy bolyp tirkeldi. 
Іrikteý týrnıri 9-14 sáýir aralyǵynda ótedi. Erteń Saǵadat Aıaptyń shákirtteri Iran komandasymen synǵa túsedi.

Atalmysh dodada úzdik shyqqan tórt komanda álem chempıonatyna joldama alady. 
Іrikteýde Qazaqstan namysyn Ahmadı Maqanov (Tennis Europe reıtıngisinde 9-oryn), Haqnazar Jetkerbaı (20-saty) jáne Beksultan Baýyrjanov (128-oryn) qorǵaıdy. Komanda kapıtany: Saǵadat Aıap.

Bir apta buryn 14 jasqa deıingiler arasynda Qazaqstan qyzdar quramasy osy Kýchıng qalasynda joldamaǵa bir qadam jetpeı qaldy. 

Qazaqstan quramasy toptyq básekeden senimdi ótip, shırek fınalda Koreıa Respýblıkasy komandasymen kezdesti. Match tartysty ótip, qyzdar 1:2 esebimen jeńilis taýyp, ókinishke qaraı, álem chempıonatynyń fınaldyq kezeńine óte almady. 

Degenmen quramynda ıAsmın Dúısembaeva, Támına Sáken, Márııam Nurjan bar Qazaqstan komandasy (kapıtany Marat Sháripov) 5-8 oryndar úshin oıyndarda naǵyz kúreskerlik rýhty kórsete bildi. Ásirese, 5-oryn úshin kezdesýde týrnırdiń myqty quramalarynyń biri — Aýstralııany 2:1 esebimen tize búktirdi. Bul qazaqstandyqtardyń bir apta ishinde Aýstralııamen matchtaǵy ekinshi jeńisi edi. Budan buryn olar toptyq kezeńde de myqtylyq tanytqan bolatyn.

Eske sala keteıik, budan buryn Zańǵar Nurlanulynyń Rolan Garros týrnırinde sátti óner kórsetý týraly aıtqanyn jazǵan bolatynbyz.