Tennısten ÁCh: Qazaqstan jasóspirimder quramasy irikteý týrnıriniń shırek fınalyna ótti

ASTANA. KAZINFORM — Malaızııanyń Kýchıng qalasynda 14 jasqa deıingi qyzdar arasynda álem chempıonaty Azııa — Tynyq muhıt aımaǵy boıynsha irikteý jarysynyń toptyq básekeleri aıaqtaldy.

Qazaqstandyq qyzdar D tobynda úsh kezdesýin de jeńispen túıindedi.

Qazaqstan quramasy Ózbekstan men Iran komandasyn 3:0 esebimen aıqyn basymdylyqpen utty. 

Búgin álemdegi myqty quramalardyń biri — Aýstralııany 2:1 esebimen tize búktirdi. Aldymen ıAsmın Dúısembaeva Sıllek Mýzemany 6:2, 6:4 esebimen qapy qaldyrdy. Tamına Sáken de Djekson Keressanyń osal tusyn tapty — 6:4, 6:4.

Juptyq synda ǵana Márııam Nurjan — ıA.Dúısembaeva Mýzema — Keressaǵa jol berdi — 3:6, 2:6.

Marat Sháripovtiń shákirtteri óz tobynan shırek fınalǵa birinshi orynmen shyqty. 5 sáýir kúni Qazaqstan Koreıa quramasymen oınaıdy. 

Eske sala keteıik, budan buryn Dmıtrıı Popkonyń Meksıkadaǵy týrnırdiń shırek fınalyna shyqqanyn jazǵan bolatynbyz.