Tennısten ÁCh: Qazaqstan jasóspirimder quramasy irikteý týrnıriniń fınalyna shyqty

ASTANA. KAZINFORM — Malaızııanyń Kýchıng qalasynda 14 jasqa deıingi jasóspirimder arasynda tennısten álem chempıonaty Azııa  — Tynyq muhıt aımaǵy boıynsha irikteý týrnıriniń fınalyna shyqqan komandalar anyqtaldy.

Qazaqstan jasóspirimder quramasy jartylaı fınalda Gonkong komandasymen kezdesti.

Birinshi oıynda Haqnazar Jetkerbaı Kaıl Vandy 6:2, 6:3 esebimen jeńip, Qazaqstandy alǵa shyǵardy.

Ekinshisinde Ahmadı Maqanov Choı Vangqa ese jiberdi — 0:6, 3:6.

Juptyq synda Ahmadı Maqanov pen Haqnazar Jetkerbaı Van — Chýıdy tize búktirdi — 7:5, 2:6, 10:3.

Osylaısha, 14 jasqa deıingi Qazaqstan jasóspirimder quramasy óz tarıhynda alǵash ret irikteý týrnıriniń fınalyna joldama aldy.

Erteń Saǵadat Aıaptyń shákirtteri fınalda Japonııamen bas júldeni sarapqa salady.

Eske sala keteıik, budan buryn Qazaqstan jasóspirimderiniń ekinshi ret álem chempıonatynyń fınaldyq kezeńine shyqqanyn jazǵan bolatynbyz.