Tennısten ÁCh: Qazaqstan jasóspirimder quramasy irikteý týrnırinde shırek fınalǵa ótti

ASTANA. KAZINFORM – Shymkent qalasyndaǵy  Belline Arena ulttyq tennıs ortalyǵynda 16 jasqa deıingiler arasynda Bıllı Djın Kıng kýbogynyń (komandalyq álem chempıonaty) irikteý jarysynda Qazaqstan qyzdar komandasy óz tobynan birinshi orynmen shırek fınalǵa joldama aldy.

Azııa jáne Tynyq muhıt aımaǵy boıynsha ótip jatqan irikteý dodasynda ıAroslava Shvedovanyń shákirtteri D tobynda aldymen Taıland quramasyn 3:0 esebimen qapy qaldyrǵan edi.

Búgin qazaqstandyq qyzdar Qytaı komandasymen matchta kambek jasap, jeńiske jetti.

Aldymen Erkejan Jańataeva Vang Tongqa 3:6, 2:6 esebimen ese jiberdi. Degenmen Eva Koryshev jasóspirimder arasynda álemniń 64-raketkasy ıÝ Handy 6:4, 6:1 esebimen utyp, tarazy basyn teńestirdi.

Sodan keıin Erkejan men Eva juptyq synda Vang Tong – ıÝ Handy tize búktirdi – 6:4, 7:5.

Qorytyndy esep – 2:1.

Jerebe qorytyndysy boıynsha erteń qazaqstandyqtar shırek fınalda Úndistanmen oınaıdy.

Jartylaı fınalǵa ótken komandalar Bıllı Djın Kıng kýbogynyń fınaldyq kezeńine joldama alady.

Shırek fınalda sondaı-aq Aýstralııa – Qytaı, Jańa Zelandııa – Japonııa, Koreıa – Qytaılyq Taıbeı quramalary ózara kezdesedi.

Eske sala keteıik, budan buryn tennısten álem chempıonatynda qazaqstandyq qyzdardyń irikteý týrnırinde alǵashqy jeńisine qol jetkizgenin jazǵan edik.