Tennısten ÁCh: Qazaqstan jasóspirimder quramasy óz tarıhynda ekinshi ret fınaldyq kezeńge shyqty
ASTANA. KAZINFORM – Shymkent qalasyndaǵy Beeline Arena ulttyq tennıs ortalyǵynda 16 jasqa deıingiler arasynda ótip jatqan Bıllı Djın Kıng kýbogy (komandalyq álem chempıonaty) Azııa - Tynyq muhıt aımaǵy boıynsha irikteý týrnırinde fınaldyq kezeńge ótken alǵashqy qurama anyqtaldy.
Qazaqstan quramasy shırek fınalda Úndistannan aılasyn asyrdy.
Eki saǵatqa sozylǵan birinshi oıynda Erkejan Jańataeva kambek jasap, Mýndhe Arýndy tize búktirdi – 6:7 (3:7), 6:4, 6:3.
Al Eva Korysheva Aahan Aahanǵa esh múmkindik bergen joq – 6:1, 6:1.
Osylaısha, Qazaqstan qyzdar quramasy qarasha aıynda Chılıde ótetin fınaldyq kezeńge merziminen buryn joldama aldy.
Budan buryn 2023 jyly qazaqstandyq jasóspirim qyzdar Ispanııanyń Sevılıa qalasynda ótken fınaldyq týrnırde 9-orynǵa ıe bolǵan edi.
Jartylaı fınalda ıAroslava Shvedovanyń shákirtteri 16 mamyrda Koreıa nemese Qytaılyq Taıbeı komandasynyń qaı jeńgenimen kezdesedi.
Eske sala keteıik, budan buryn tennısten álem chempıonatynda Qazaqstan jasóspirimder quramasynyń irikteý týrnırinde shırek fınalǵa ótkenin jazǵan edik.