Tennısten ÁCh: Qazaqstan jasóspirimderi alǵash ret irikteý týrnıriniń fınalynda oınaıdy

ShYMKENT. KAZINFORM – Shymkent qalasyndaǵy Beeline Arena ulttyq tennıs ortalyǵynda 16 jasqa deıingiler arasynda Devıs kýbogi Azııa – Tynyq muhıt aımaǵy boıynsha irikteý týrnırinde fınalǵa shyqqan komandalar anyqtaldy.

Jartylaı fınalda Qazaqstan jasóspirimder quramasy bıylǵy jarystyń basty jańalyǵy – Gonkong tennısshilerin 2:1 esebimen utty.

Aldymen Damır Jalǵasbaı tartysty matchta Cheng Sıý Nıkolasqa ese jiberdi – 5:7, 6:7 (4:7).
Budan keıin kortqa óz elderiniń birinshi raketkalary Zańǵar Nurlanuly men Djek Cheng shyqty. Birinshi partııada taı-breıkte Zańǵar tabandylyq tanytty – 7:6 (7:3). Ekinshisinde qazaqstandyq qarsylasyna múmkindik bergen joq – 6:2.

Match taǵdyry úshinshi, juptyq básekede sheshildi. Z.Nurlanuly men Danıel Tazabekov oıyn tizginin birden óz qolyna aldy – 6:1. Ekinshi sette de Cheng pen Hang esh qaıran qyla almady – 1:6. 

Osylaısha, Qazaqstan jasóspirimder quramasy óz tarıhynda alǵash ret Azııa – Tynyq muhıt aımaǵy boıynsha irikteý jarysynyń fınalyna shyqty. Qarsylastary osal emes, Qazaqstan jasóspirimder arasynda Devıs kýboginiń eki dúrkin chempıony Japonııa quramasymen bas júldeni sarapqa salady. 

Eske sala keteıik, budan buryn Mıhaıl Kýkýshkınniń Rolan Garros týrnırine joldama alǵanyn jazǵan bolatynbyz.